李嘉欣昨日穿黑色喱士長裙出席賽馬會冠軍人馬獎頒獎典禮活動，提到Amanda S.離婚，她表示：「聽到咁嘅消息覺得好可惜，成年人做得呢個決定，一定係一個好嘅決定。（有咩夫妻相處之道？）順其自然，大家一齊係緣分，就算一齊唔到，成年人都會成熟咁去處理。」

李嘉欣自爆剛入院照腸胃內窺鏡，後悔未有愛惜身體。

另外，嘉欣透露剛入院照腸胃內窺鏡，並要全身麻醉：「對上兩年前照過，當時有息肉，今次照就即刻切咗。」又稱每兩年會做一次身體檢查，每次均會後悔平日沒有好好愛惜自己身體。問到老公許晉亨有否一起做檢查？她說：「冇呀！因為有一個要保持清醒，自己覺得好驚，同老公講：『會唔會咁一瞓就唔識醒？』佢就話：『放心，你一定會醒，我會繼續哦你。』」