歐陽妙芝：識咗佢十幾年，佢好Sweet、好勤力。最近一次見佢係喺母親節，幫襯佢訂咗馬卡龍，當日亦係我個仔嘅生日會，所以訂咗餅畀出席嘅家長食。當日覺得佢個樣好攰，同埋佢係咁問我Keep Fit心得，可能佢身心都好疲倦。

歐陽妙芝

姚書軼

Jocelyn

馬詩慧

姚書軼：好愕然！但感情係兩個人嘅事，得佢哋自己知。（打電話問候佢？）應該唔會！依家敏感時期。我哋平時做嘢見到會Say Hi，但私底下好少約出嚟食飯Gathering。如果呢件事發生喺我身上，我唔會想有人打畀我。唉！我哋呢啲未結婚嘅，聽到呢啲消息，都對婚姻變得冇信心。

Jocelyn：完全唔知呢件事，我哋都有一段時間冇見。感情嘅事得佢哋自己知，加上聲明上佢哋都話係和平得到共識，可能咁樣對佢哋最好，希望Amanda一切安好。

馬詩慧：合則來不合則去，有啲人結幾個月就離啦！

何紫綸：「好可惜！佢哋好Sweet，聽到幾Sad！拍拖會遇到性格唔啱嘅時候，但Amanda鬼妹仔性格，一定再見亦是朋友。（打電問慰問？）唔會喇！見到面會問候，佢係好Tough嘅女仔，心情好快冇嘢。」