傅嘉莉帶同男模師弟許嘉偉及呂俊昊接受《娛樂onShow》訪問，與節目主持李文珊（Sherman）分享Model蝦碌事！

傅嘉莉由Oscar（左）和Eddy傍住，甚有Model女王的氣勢！

Oscar、傅嘉莉和Eddy亮相《娛樂onShow》，教你點Chok！

傅嘉莉與師弟向主持Sherman大談模特兒的蝦碌趣聞。

近年在電視劇表現出色的模特兒傅嘉莉（Kelly），日前帶同兩位男模師弟許嘉偉（Oscar）和呂俊昊（Eddy）接受《娛樂onShow》訪問，向主持Sherman大爆做模特兒的蝦碌事。身為大師姐的Kelly笑指初入行拍廣告時成了「吸塵機」：「當時要營造一個大風嘅環境，用咗一部風力好強嘅風扇，我以為自己會化身女神啦！但風扇一開，就將地下全部垃圾吹到我塊面度，有啲仲入埋眼！嗰次真係相當痛苦同狼狽！」而師弟Oscar則認為第一次行天橋騷印象最深刻：「行騷前嗰一星期，老闆每日都會用三至四個鐘頭教我行天橋嘅步法，同一啲要注意嘅細節，當時先發現做Model冇想像中咁簡單！」

拍劇由零開始

近年開始接拍電視劇集的Kelly，演出引起觀眾的關注，Kelly初接觸視界時亦下過苦功：「因為拍劇同做模特兒完全係兩回事，所以要重新去認識電視台嘅運作之外，電視劇嘅每個細節如對白、望鏡頭、走位等，全部都要重新學習。」另外，如果想睇Kelly化身千頌伊影靚相？或者Oscar同Eddy教你如何Chok住做名模？請密切留意《娛樂onShow》！