吳家麗在張家輝首次執導的電影《盂蘭神功》中飾演一名粵劇花旦,談到今次與張家輝合作,吳家麗笑指可能家輝看過她在《新不了情》的花旦演出,故當想找人演花旦時便想起她,吳家麗說:「一直都想同佢合作,但接到劇本之後,睇真啲原來同佢冇對手戲,真係有啲可惜,惟有希望下次有機會啦!」為演好角色,她表示電影開拍前已跟師傅學做手:「拍攝前花咗好長時間同心機去學做手,因為講我係一名好出色嘅花旦,唔可以求其,拍攝時每日花一段時間去化妝同落妝,加上拍嗰陣係六、七月喺在馬來西亞取景,天氣比較熱,都幾辛苦。」

吳家麗為演出花旦角色,花了不少工夫。