組合B.Gs首度參與寫真戰，以「食色性也」作概念，成員各有賣點，柔雅晴擁D Cup上圍，方堯Sell修長美腿，運動型的周汶希肌肉結實，具骨感美的Creamy則「應大則大」，四道「菜式」總有一款合宅男心水！

組合B.Gs

組合B.Gs今年首次衝擊寫真戰。

新進女子跳唱組合B.Gs由袁凱茵（Creamy）、柔雅晴（Kavi）、方堯（YoNa）及周汶希（Jovi）四位成員組成，位位身材不俗，今年B.Gs首度推出寫真，瞓身出擊大玩誇張藝術元素，將寫真包裝成菜譜，四人化身不同食物挑戰Fans食欲！

Kavi說：「本書叫《kiss B.Gs》，希望大家錫晒我哋，我哋有好多唔同造型，泳衣、內衣當然唔少得，仲將寫真設計成菜單咁，有沙律、主菜、湯、甜品，全部都係我哋！」

自讚充滿藝術感

提到性感尺度，她們均大膽挑戰全裸，問到拍攝時有否尷尬？Creamy笑說：「平時都試過一齊換衫，慣咗肉帛相見，影嗰陣真係咩都冇着，乳貼都冇，不過出嚟效果係健康，好有藝術感！」Kavi則指其中一個造型露出整個Pat Pat，大叫怕醜。

問到覺得哪位成員身材最好？四女即互笠高帽，高挑的方堯擁修長美腿，細細粒的Kavi外表童顏，卻擁D Cup澎湃上圍，手腳最纖幼的Creamy大賣骨感美，上圍亦不失睇頭，曾習武的Jovi肌肉較Firm及擁健康膚色！B.Gs認為她們這四道「菜式」總有一款會Click中宅男口味！