藝人譚凱琪加盟無綫不久即有機會參演劇集，一償拍劇夙願的她為演好90後大學生一角，親身走進大學校園觀察做研究，更出動「親情牌」請堂妹約大學同學給她做資料搜集，又極期待觀眾給她的評價！

專業的譚凱琪於拍劇前到大學Canteen打躉，務求令演出更逼真！

終償拍劇滋味的譚凱琪與于洋及姚子羚等前輩合作，獲益良多。

譚凱琪（Zoie）加入無綫大家庭後除獲安排參與世界盃節目，更有演出新劇《我們的天空》的機會，飾演一名90後大學生的Zoie說：「好開心公司畀機會我，因為呢個係實況劇，對白、故事同造型都力求真實，開拍前我專登去咗啲大學Canteen度坐，觀察依家啲大學生點講嘢同打扮特色，我仲出動埋我堂妹，託佢請佢啲大學同學出嚟同我飲嘢、傾偈，等我可以攞吓料！」

暫別旅遊 訓練記性

Zoie効力舊公司有線時，主要是主持旅遊節目：「一直都期待拍劇，依家終於願望成真！（習唔習慣？）還好啦！一切比我預期好，我發覺做演員嘅先決條件係要記性好，因為台詞、走位、動作、光位甚至連戲嘅服裝都要好好記住，呢個係一個好好嘅訓練，都好期待個劇快啲出街，因為劇本寫得好好，內容提到香港民生問題，我都好鍾意，亦都想觀眾畀多啲意見我！」