「翻版Leah Dizon」顧千瑩早前憑34D雙峰及胸口唇印紋身引死宅男，今年乘勢推出處女寫真。曾零酬勞幫朋友拍半裸惹火照的她坦言女人青春有限，故會把握時間把美好身材留倩影，揚言尺度「唔會露點」就冇問題。

顧千瑩的34D襯唇印紋身，分外性感。

顧千瑩

顧千瑩大騷玉背，增加睇頭。

年僅20歲的o靚模顧千瑩（Leona K.）因貌似日本混血模Leah Dizon，加上早前拍了一輯半裸婚紗照而熱爆網，今年她夾住34D逼爆上圍「胸」降寫真戰，早前在泰國布吉拍攝處女寫真的她說︰「到咗呢個年紀，覺得女人青春有限，所以想留倩影。寫真相我覺得好好睇，激唔激就留番畀大家去評吓！」

搵嘢遮住幾點

提到早前的半裸婚紗相，Leona透露竟然未有收酬勞︰「係應承朋友影，之前未決定會半裸，但影個日先試吓，其實為藝術犧牲OK，而且冇收酬勞。」冇收酬勞都去到咁盡，對於性感極限，她說︰「我可以裸，但唔會露點，背面或者搵嘢遮住就OK。」

除了逼爆上圍夠惹火外，Leona身上的紋身同樣搶眼，胸前的唇印紋身相當性感，她說︰「我有5至6個紋身，因為細個時貪玩，每人都有年少無知嘅時候，紋咗一個就上癮，父母有反對，但我都係紋咗先同佢哋講，而且好多都係我自己設計，所以唔會後悔。至於胸口紋身，因為我覺得性感囉！同埋女人貪靚。」雖然對身上紋身感到自豪，但她自言不會再紋︰「依家唔會再紋落去，我都擔心多紋身會影響工作，不過紋嘅部位圖案唔大，都可以遮到。」