近年積極在內地搵人仔的傅穎（Theresa），剛拍完劇返港，劇中她飾演寡婦：「今次做個唔簡單嘅壞女人，第一次做呢啲角色，有好多內心戲，好大挑戰。」為配合民初年代劇情，她要穿上多件旗袍，身材婀娜多姿，她笑說：「所以我咪努力Keep Fit。」

傅穎為着旗袍狂做Gym，希望練出六舊腹肌！

愛上玩Gym的她，請健身教練度身訂造健身課程：「我淨係同佢講我要一樣嘢，就係六舊腹肌。」她自爆之前吹脹了10磅，經過2、3個月操練後，已減掉10磅：「未滿意，想要六舊腹肌，教練話女仔可以唔使，但我想睇吓自己做唔做到。（練成點？）未有腹肌，只係見到少少痕。」眼見圈中多位男星操到好Fit，她覺得他們十分犀利，因為將體脂減到咁少是非常困難，特別是女仔，她說：「可能練到個胸冇晒，但畀着我寧願冇胸都要有腹肌。」