早前在擂台上撼低對手奪冠的打女陳鈺芸，日前以打拳Look拍廣告，她自爆有不少人約食飯，不過由於她要到外地拍戲，故笑言是追求者耐性大考驗。

陳鈺芸踢腿功架有姿勢有實際，不愧為拳后！

陳鈺芸以低胸姿態出擊！

換上一身OL打扮的陳鈺芸，即刻斯文番晒！

女星陳鈺芸（JuJu）早前在泰拳比賽中封「拳后」，翌日即拍攝藥膏廣告，以多個造型示人，當中的谷胸打拳Look最為搶鏡，JuJu說：「好開心今次有六位數字酬勞，其實打拳幫助我好多，有酬勞、有贊助同拍廣告。（有冇試過打到受傷？）冇！不過有次練雙節棍，因為自創花式被棍扑到爆眼角流血。」

想同楊紫瓊對打

一身結實肌肉的JuJu被問到會否嚇怕追求者，她說：「唔會！反而多人追同約食飯，之前打比賽要控制食量推晒。」由於她已飛抵新西蘭拍電影《臥虎藏龍2》，問到當中有否心儀對象？她說：「有啲唔錯，依家專心工作先，因為要拍戲飛走四個月，就睇吓啲追求者有冇定力同耐性。」

演出多套荷里活大片的JuJu否認「升呢」：「我係電影新人，都希望喺電影上可以同偶像對打，自己好鍾意楊紫瓊，覺得佢好硬淨同正面，要向佢多多學習。（唔驚畀人定為打女？）每個藝人都有自己定位，自己好鍾意打功夫。」