獲贈無「駕」寶，男神Rock起來！樂隊Supper Moment被女粉絲封為新一代男神，四子卻拒受「神」名，寧做Band仔。可是魅力依然沒法擋，開騷獲贊助三部專屬名車宣傳，誓要把一團搖滾火風馳起來。

有專屬名車宣傳音樂會，Supper Moment驚喜到震！

Supper Moment懶理被封男神，有性格！

阿達希望在音樂上堅持自我風格。

女星被封女神、「BB」的話，通常都會大感興奮，但去年憑一曲《無盡》而成功俘虜一班少女的樂隊Supper Moment，雖然被捧為新一代男神，卻未有沾沾自喜，他們淡然地說：「佢哋逢親偶像都叫男神嘅！呢個已經係個花名嚟！」噢！女粉絲要心碎了。

四子將在九展開兩場演唱會，今次最威水是獲Volkswagen贊助三架名車作宣傳，車身印有樂隊及唱片公司紅線音樂Logo的油畫，名副其實是Supper Moment專用座駕！四子有意作巡迴演出，成員阿達說：「想做快閃表演，籌備上唔容易，要試吓可唔可以成事。」

而另一必睇位是今次他們連續兩晚的演出，將有不同的版本，四子笑言絕不是為了「逼」樂迷睇足兩場，主音Sunny說：「呢年半嘅公開演出都係差唔多嘅歌，好多舊歌冇機會唱，都知樂迷想聽，我哋都想玩，所以兩場嘅Set List唔同。」

企硬唔餵觀眾

其實是次的反傳統並非先例，Supper Moment最新的專輯《世界變了樣》，曲風同樣變了樣，全因他們有火又有Heart，Sunny說：「以前係有市場先做音樂，市場需要咩就畀咩佢，但『餵觀眾』係唔好嘅做法，我哋相信係有音樂，先至做Marketing。依家係充滿可能性嘅年代，如果做音樂嘅人都有咁多框架，就冇乜意思！」