歌手漢洋早前舉行音樂派對,反應理想,並獲不少好友如范振鋒、李思欣及陳展鵬等到場支持,令他大為感動!完成演唱會後,漢洋大搞打邊爐慶功,他說:「估唔到一班朋友咁支持我,真係好感動,所以尾場之後都拉大隊去慶功。(食咗幾多錢?)幾多都唔緊要啦,最緊要大家食得開心!」

漢洋(左)開騷,與李麗霞同台獻唱。

難得一眾好友碰面,范振鋒(左起)、漢洋、李思欣及李國祥在後台合照。

問漢洋會否考慮將音樂派對搬上紅館,他說:「如果可以梗係會啦!呢個要好好考慮,但要多少少時間做準備,希望到時可以再請多啲朋友同我哋一齊唱歌!」