歌手許廷鏗近日與電台DJ黃天頤合演廣播劇,聲演一對青梅竹馬的好友,但自幼讀男校的他坦言完全沒有青梅竹馬的階段,與成班同學只過着「親情」般的校園生活,認真純過蒸餾水!

DJ黃天頤一開始已鎖定許廷鏗聲演廣播劇男主角。

許廷鏗自小讀男校,笑指沒有「兩小無猜」的經驗。

許廷鏗(Alfred)近日首次擔正廣播劇男主角,與電台DJ黃天頤聲演一對在屋邨長大的青梅竹馬好朋友,廣播劇更會寫成小說在本月書展推出。平日見Alfred唱歌就多,但做廣播劇卻是首次擔重,他坦言壓力大:「都幾大壓力,因為時間好趕,準備時間唔係太多。好在角色同我本人就唔係好同,唔使Chok聲,其實唔係好習慣聽番自己把聲。(有冇爆肚?)有好多,有少少招架唔住,錄個陣有啲緊張。」而黃天頤則表示寫劇本時,已認定男主角就是Alfred:「一寫就覺得係佢,因為角色好清純同讀書好叻,角色好似佢。」

劇內Alfred與天頤是青梅竹馬的好友,關係非常密切,問到錄音時會否勾起昔日的戀愛事?天頤即分享當年往事:「對方係小學同學,一星期見足七日,星期日仲要一齊參加童軍。有次仲要一件外套一齊着,都幾老套,不過大個之後冇咩聯絡啦!」

「讀書會」見家長

至於Alfred表示因自小讀男校,故沒有經歷過青梅竹馬的階段:「最接近都係讀大學嗰陣,讀牙科嘅同學成日見面,嗰陣又開始玩《巨聲》,讀書時間唔多,但會成班人去某個女同學屋企,佢父母會好招呼我哋,一齊小組討論溫書,有時會通宵,但大家冇拍過拖。」