人氣少女演員王敏奕與師弟Anjo在電視電影中發展曖昧關係，愛幻想的她寧玩單戀拒絕曖昧，Anjo則表示有場戲被在他床邊彈琴的師姐電到，大讚對方是索爆女神！

人氣急升的Venus雖已名花有主，但仍憑其女神風采吸納不少「裙下之臣」。

Anjo相當難忘師姐Venus在他床邊彈琴一幕，惟因尊重而將「愛慕之情」藏於心底！

Venus在電視電影中與Anjo大玩曖昧，卻堅拒讓它在現實生活中發生。

新星王敏奕（Venus）近月話題不斷，早前在無綫劇《女人俱樂部》演「少女李麗珍」朱莉而備受讚賞，其後公開與曾志偉兒子曾國祥的戀情，人氣急升！但熱愛工作的Venus未有放慢腳步，繼續與經理人兼導演麥曦茵拍住上。麥曦茵成立結合影視製作及藝人培育的公司Dumb Youth，旨在栽培有夢想及表演天分的新人，令被睇中的Venus及師弟組合Playtime工作機會不斷！

曖昧怕「蝕底」

Venus最近夥同Playtime的Anjo（梁曉豐）拍攝電視電影《曖昧不明關係研究學會》，青梅竹馬的兩人一直不敢發展成情人，Venus表示戲內有多段像霧又像花的感情線，猶如社會小縮影：「曖昧好易發生，兩個人好似戀愛但又未係，覺得女仔咁樣較蝕底，會沉醉喺自己嘅幻想空間度。（易唔易同人曖昧？）都幾愛幻想，但就單戀多，唔會揀曖昧，如果唔適合會盡快抽身，長時間只會大家都受傷。」

至於Anjo則透露角色是個「爛好人」，對所有異性都友善，結果收納了不少契妹，他笑言跟角色性格相似：「好多男女拍唔到拖就認做契兄妹，我都認同，我都係拒絕唔到人，係有女仔認我做契哥，但唔係我做主動o架！我唔會搵麻煩。」問到拍攝的難忘事，他透露有場戲兩人要共處一室，洗澡後看到Venus在他床邊彈琴，令他眼前一亮，問到是否覺得Venus很迷人？他笑稱師姐神聖不可侵犯：「佢不嬲係我哋公司嘅女神，佢出道先，一直好尊重師姐！」