周秀娜、鄭丹瑞及C AllStar昨日到銅鑼灣街頭宣傳新片《分手100次》，娜姐說：「我分手次數唔多，多數都係我嗌分手。（前男友陳偉成都係？）係！我係強勢女友，但分手遺物會留起。（前度遺物已處理？）未喎，留番下次見面先，一盒仔嘢啫！（仲留戀？）我習慣留起啲信，小學時代嘅情信，初初出嚟做嘢有人寫畀我嘅紙仔都有Keep，有時會睇番啲人寫咩！」

自認強勢女友的周秀娜拍拖多數會主動提分手。

對於搞錯首映日子連累李若彤撲空一事，鄭丹瑞說：「約咗佢28號食完飯再睇首映。（開戲搵佢做女主角補鑊？）要劇本啱先得，我哋喺《女人俱樂部》嘅夫妻形象太深入民心，都想再合作！」