前亞視高層盛品儒昨日出席酒業活動時承認其家族出兩億幫亞視出糧，前亞姐張家瑩則唔驚公司冇糧出。

前亞姐張家瑩強調有儲蓄習慣，並指入行後首遇亞視遲出糧。

劉錫賢以「三高」為由婉拒捐血。

盛品儒（左）偕葉家寶出席活動，他承認家族出錢幫亞視出糧。

亞視日前被入稟申請清盤而遭凍結戶口，結果令亞視員工冇糧出，不過事件已經解決。前亞視高層盛品儒昨日在酒業活動上承認亞視用作還款的兩億元來自盛家：「呢啲係我家族親戚嘅事，唔關我事，我上年九月已經同ATV完約，但都希望佢哋度過難關，愈做愈好！」

扭擰捐血

為穩定軍心，亞視昨日特別召開員工大會，有數百名員工出席，高層葉家寶向員工宣布早前拖欠的薪金會於今天發放，除感激盛家出手相助外，又表示亞視未來的發展會更好！

而亞視昨日舉行的捐血日活動獲劉錫賢、張家瑩及鄭伊娜等出席支持，因血壓低而婉拒捐血的張家瑩表示不擔心亞視未能如期出糧：「唔驚，未去到困境，我本身有儲蓄，幾日我都仲頂得順嘅，公司話下星期一就會出糧，都係第一次出糧唔準時啫！」

而將約滿亞視的劉錫賢則表示未傾續約：「未傾，八月尾先到期。（會離巢？）條件滿意就合作，或者佢哋唔滿意我呢！（首選亞視？）冇話首唔首選，睇條件好唔好，暫時冇人搵過檔。」