黃秋生和湯鎮業等前晚首次返無綫拍攝劇集《梟雄》，秋生笑言感到緊張：「幾跑得嘅人偶然都會仆低。」他又大讚在劇中有不少對手戲的胡杏兒靚女。而飾演秋生年輕版的馬國明則專誠來向影帝偷師。

影帝秋生回歸拍劇吸引馬國明專誠來偷師。

馬國明

杏兒得知被秋生大讚靚女，定必非常開心。

湯鎮業與咪神梁政珏演情侶，艷福不淺。

影帝黃秋生、湯鎮業和馬國明等前晚返電視廣播城為監製王心慰的新劇《梟雄》拍攝廠景，身穿灰色長衫的秋生笑言感到緊張，更謙稱：「唔識做！好出奇咩？幾跑得嘅人偶然都會仆低。」問到做舞台劇難還是拍劇難，他說：「舞台劇，話拍劇難一定玩人啦！依家睇咗六集劇本，冇乜挑戰，好似叫個奧運跳高選手去跳繩咁！」劇中，秋生將與胡杏兒有不少對手戲，他大讚杏兒靚女，亦看過她之前演的戲，他又大貪說：「我個角色應該要有四個老婆，兩個太少，杏兒幾靚女，如果對住啲唔靚，就做唔到戲，冇交流，最緊要個樣唔好討厭。」提到不少藝人都想趁機觀摩他演戲，他笑說：「好驚喎！我返嚟都係想嘻嘻哈哈過日辰，睇吓靚女走嚟走去。」

湯鎮業慢工出細貨

飾演秋生年輕版的馬國明則坦言想看看秋生於角色上有何設計，問到會否一齊度，他說：「唔會啦！我都係聽咋！（同秋生冇對手戲可惜？）做年輕版重要過做對手戲，難得可以窺探吓影帝點設計角色，一定學到好多。」

久未返無綫拍劇的湯鎮業表示尚算適應：「呢度嘅導演拍得精細啲，所以有機會慢慢做，內地拍劇就時間緊迫啲。」而咪神梁政珏在劇中飾演他的情人。