以「港版AKB48」作賣點的女子組合Super Sexy Hero以性感戰士姿態出寫真集，當中擁有33C上圍的「嫩口謝安琪」Ashina更獲神秘富豪花百萬「全包」，連出兩本寫真谷上位！　

貌似人妻謝安琪的Ashina獲揼本連出兩本寫真集，但她否認老闆有意追求。

大堆頭組合Super Sexy Hero明抄AKB48概念，更將推出噴血女戰士寫真谷人氣！

在書展出擊的寫真戰團每年均有新進o靚模加入，以十多位成員組成的性感o靚模組合Super Sexy Hero（SSH）抄足日本組合AKB48，大玩不停加新血理念，噱頭十足！在寫真集中，她們以不同的性感戰士造型現身，出名大膽的AD2成員艾美琦（Amy）半裸上陣，而新人Ashina在眾女中最為養眼，而且她的可塑性甚高，甚有人妻謝安琪的影子。她不但以Super Girl打扮谷盡33C上圍，更大膽綁住雙手，勁有SM味，為宅男帶來無窮遐想！

寸黃榕重口味

據知，一向多人追的Ashina今年將連出兩本寫真，幕後老闆為同一個人，似乎有意「包起」Ashina，豪花百萬為她出書打響名堂！問到是否備受追求，死口唔認的她說：「我Feel唔到，佢個個都錫，唔覺得佢追我囉！但都好開心佢咁欣賞我，畀機會我出兩本寫真，我會喺另一本寫真扮學生妹，感覺好唔同！」不過，由於SSH寫真的畫面過激，故被淫審署列為二級不雅刊物禁入書展，寸嘴的Ashina說：「唔緊要！出面空氣仲清新，好過淨係去書展！」

恃住後台勁的Ashina更連前輩Amy都唔畀面，日前眾女穿上三點式接受本報訪問時，站在Amy身旁的Ashina說：「我唔Buy某啲前輩成日咁激進做宣傳，搞到咁重口味！」而身為Ashina黨的Psyche即加把口：「有啲前輩出咗幾年寫真集，都應該畀我哋接力！（黃榕？）係呀！都咁大年紀，咁跳法小心扭親條腰呀！」Amy即時叫他們尊重前輩，而SSH經理人Paul坦言組合會以AKB48為目標，更會效法她們推出周邊商品，實行吸乾宅男荷包！