鄧佩儀面珠失守

身在巴西為無綫直擊世界盃的華姐冠軍鄧佩儀，繼苟芸慧、陳貝兒與張秀文遭「抽水」後同告失守，被阿根廷球迷突襲錫面！當日阿根廷對瑞士爭入八強，最終阿根廷險勝瑞士，球迷抹一額汗，賽後阿根廷球迷即陷入瘋狂狀態，球場外大事慶祝，鄧佩儀採訪醉酒的阿根廷球迷時，被對方突襲錫了面珠一啖，她說：「阿根廷贏波之後啲球迷癲晒，佢哋好多都飲醉酒，當時氣氛實在太高漲，講真都冇辦法防備，但相信個球迷都係貪玩冇惡意，佢哋只係見到攝影機想搶鏡啫！我都冇Hard Feeling，冇話唔開心。」此外，她又到巴西海灘拍攝，變身「小志強」怒射「猛虎射球」。