張學友為杜德偉音樂特輯擔任嘉賓,笑言有時間都想拍劇的他,揚言不介意女兒拍拖,最緊要讓他過目。

張學友(左)擔任杜德偉音樂特輯嘉賓時笑說若囡囡拍拖,要先給他過目。

杜德偉邀得呂方和草蜢等為音樂特輯撐場。

楊千嬅以透視造型現身,高貴性感。

張學友、呂方、楊千嬅和鍾鎮濤等前晚為節目《杜德偉.巨星同學會》擔任嘉賓,已多年沒有踏足無綫的學友被問是否有意拍劇,他笑說:「好想呀!我未拍過劇!」本月10日生日的他會與家人吃飯,問到囡囡送甚麼禮物,他說:「我叫佢乖啲、改吓啲壞習慣,佢話盡力試吓!」

呂方戀情順其自然

而學友的大女踏入青春期,問到是否怕囡囡拍拖,他說:「驚佢拍拖我唔知啫,知就冇乜所謂,最好畀我過吓目。(會唔會呷醋?)我會盡量唔表現出嚟。」而呂方早前被《好報》拍得與新歡「靚版嘟嘟」半同居兼買餸,他例牌否認:「朋友咋!人生苦短呀,順其自然啦!」另外,王敏德二女王麗嘉以火辣泳衣照作社交網站的大頭相,換來爸爸Dislike,但媽媽馬詩慧力撐女兒:「我覺得幾靚,一啲都唔色情。(老公唔鍾意?)做老竇係警覺性高啲。」