馬德鐘昨日出席活動，問到剛於27日生日的他如何度過？他表示只是簡單食飯慶祝：「對我嚟講，做嘢重要過所有節日，近排我都比較忙，代言咗內地西裝品牌。」問到老婆送甚麼生日禮物？他說：「代言品牌已經係最好禮物，有六位數字。（到時分股畀你？）冇講，但日後會有好多高質量嘅西裝造型示人。（邀請你同囝囝父子檔代言？）佢仲細，不過好多模特兒公司有搵佢。（佢想做？）未計劃，努力緊學業同游水。」

馬德鐘透露生日只簡單地與家人食飯慶祝。

另外，馬德鐘表示將會拍攝內地劇，而九月亦要拍無綫劇：「啲檔期未知撞唔撞，唔理幾多錢，點都拍咗TVB先。」