黃心穎偕森美等昨日拍攝無綫節目《學是學非放暑假》時說:「之前去泳池取景。(着泳裝?)冇,驚收視好誇張!今次加入森美,我預咗畀佢窒!」提到苟芸慧及張秀文在巴西分別被球迷強吻及胸襲,她說:「之前同梁烈唯去日本拍旅遊節目,佢好規矩嘅!有幕講我騎牛餵奶,隻牛周圍郁,好尷尬。如果真係畀人蝦,我信唯唯會救我。(有冇被人輕薄過?)以前影合照有啲人會伸手攬腰。我搭車都會用手護胸,保護自己。」

心穎自爆搭車時會用手護胸,以防狼爪。