金剛女友蕊蕊今年以34F驕人上圍「胸」降寫真戰,分別以內衣及泳衣等上陣,全力出擊!繼早前大騷「事業線」後,今次改玩騷長腿擘大髀,期間又不經意谷出34F人間「胸」器,實行令宅男流晒鼻血!

蕊蕊大騷長腿,瞓身力谷寫真集。

蕊蕊以34F驕人上圍「胸」降寫真戰。

曾預告金剛有份參與寫真製作的蕊蕊,昨日接受電話訪問時大賣關子:「我都唔知最後製成品會唔會出喺寫真入面,所以要賣吓關子,大家到時買我本書啦!」

而金剛則坦言有為寫真出一分力,但卻被批「愈幫愈忙」:「我本身識識哋影相,所以今次都幫手影,我仲覺得影得同我個人一樣,都係巧(好)靚!但點知出到嚟竟然被蕊蕊話我影得好渣,畀佢笑咗好耐!」

蕊蕊

暱稱:柑桔、Yuri

年齡:27歲

三圍:34F、25、35

出身:舞蹈員出身的她於無綫節目《美女廚房》任「味之天使」而彈出,其後簽約漢洋旗下。