今年加入寫真大戰的24歲劉俐（藍莓），為宣揚愛護動物訊息，不惜在寫真集「全裸」出擊手抱愛犬，大晒S腰美股出戰寫真集，可是該輯「裸照」最終被淫審處列為二級不雅物品，不想寫真被當成不雅物品的藍莓，最後只好抽走「禁相」！

劉俐大跳芭蕾舞，做出高難度動作。

劉俐早前遠赴泰國布吉拍攝處女寫真集，誓要爭做寫真戰女王。

早前遠赴泰國布吉拍攝處女寫真集的劉俐，誓要爭做寫真戰女王，擁有34C上圍的她除以三點式上陣，又有不同性感造型，希望吸盡宅男眼球，其寫真集於本月16日書展面世，但事前卻遇到阻滯，原本她為宣揚愛護動物訊息，帶同4歲愛犬SaSa拍攝一輯全裸照，相中的藍莓將SaSa緊抱遮掩胸部，賣點是S腰和靚股，不過經淫審處一審之後，該照片未獲通過一級，而要列作二級不雅物品！藍莓為免處女寫真成為「禁書」，無奈決定抽起裸照。

自爆裸睡

藍莓直言該全裸抱狗照是她的構思，因為早前她眼見內地舉行狗肉節，引起她的強烈不滿，因此希望與SaSa影一輯相「反擊」，向大眾宣揚愛護小動物訊息：「我一路對虐狗，甚至食狗嘅人都好反感，成日我都會好嬲寫微博叫大家唔好咁做，今次同SaSa影呢輯相，初頭都冇諗過咁激，但真係想帶畀大家愛護動物訊息，我見好多外國明星都會咁影去宣揚愛護動物，而我又成日抱住SaSa瞓覺。」

她更口快快自爆平日會與愛犬裸睡：「我晚晚都同SaSa瞓。（你裸睡？）一時時啦，有時啦，我都畀屋企人鬧我，話隻狗唔衞生，但我又唔介意。」

如今裸照被抽起，藍莓無奈地說：「都有唔開心，因為同攝影師都付出好多心機，當日我黐好多膠紙，SaSa都出盡力望鏡頭，不過最後唔批，我惟有尊重，因為我又唔想搞到本寫真變二級。」

有着底褲

問到全裸上陣有何感受，藍莓笑笑口說：「其實拍攝時我有着底褲，係後期製作執走變成全裸，我未接受到真正全裸，雖然已經好性感，但成件事係舒服。（家人支持？）其實屋企人不嬲都管唔到我，呢輯相我事前冇同家人商量，相信媽咪知我想宣揚愛護動物，佢係會接受。（出書有冇信心？）一定有，希望會大賣。（留意對手？）有，我知好多模特兒會出，但我覺得做好自己就夠，唔好同人比較。」

劉俐

暱稱：藍莓、Kibby

年齡：24歲

三圍：34C、24、35

出身：擔任無綫節目《美女廚房》「味之天使」入行，再獲邀以「Sing之天使」身份參與另一節目《耳分高下》。