荷里活影星安祖蓮娜祖莉（Angelina Jolie）與畢彼特（Brad Pitt）有影皆雙，非常恩愛，但小報《國民問詢報》就踢爆畢佬拖住祖莉人前甜蜜，人後煲煙，但就一而再，再而三被祖莉發現，嬲到震的祖莉仲發晦氣話：「情願你食煙好過你呃我！」報道引述知情人士稱：「祖莉最憎畢佬一直答應戒煙，但次次都偷偷哋食番，佢大聲鬧畢佬：『我忍夠啦，每次求你，你都話戒，結果又係呃我！』」知情人士又稱：「畢佬用咗漱口水同咬香口膠，但祖莉一聞他的頭髮就有煙味，穿晒煲。