張智霖（Chilam）獲重金禮聘，續約擔任美心月餅代言人。廣告商日前在上環拍廣告，並安排數名身形高挑的美女為男神「爭風呷醋」，當中Chilam與女模Angelina A.雞啄唔斷，兩人拍攝近距離深情對望的一幕時，更猶如即場加插咀嘴戲！Chilam笑說：「之前已經同佢合作過，咁啱佢喺澳洲長大，同我背景似，咪傾多兩句囉！（唔怕老婆呷醋？）唔會！咁大個人，做嘢啫！」他又說：「唔係擦鞋，但覺得中秋節點都要食吓月餅！如果有時間，我都想自製機師燈籠畀囝囝應節！」

Chilam同索模Angelina A.黐到實，小心畀老婆扭耳仔！

此外，提到演唱會綵排進入倒數階段，操肌成功的他被指過瘦，他澄清：「不知幾精壯，依家一啲壓力都冇！（有信心捱到？）唔係捱，我會好好享受呢3晚嘅舞台演出！」