藝人朱千雪前晚到上水出席世界盃活動，問到有否留意張秀文及苟芸慧等被球迷抽水時，力撐巴西隊的她說：「有聽過球迷好熱情，但應該冇惡意。」冇份到巴西的她笑言Dry爆冇人約睇波，只好在家中自High觀賽。問到是否與馬國明情侶檔拍廣告？她說：「開心一齊做嘢。（傳緋聞令身價上升？）OK！搵佢又搵埋我。（驚變真拍拖？）唔會避忌。」問到會否嚇怕追求者？她笑言馬明「阻住晒」：「如果想識我就唔好驚馬明，直接問我就得！（叫人主動出擊？）係，如果唔係嚇走晒點算？」但她自爆獲馬明捧蛋糕慶祝生日！

生日收馬明蛋糕的朱千雪竟指開心只因有得食，不知馬明情何以堪呢？

同場的女子組合Super Girls露長腿晒球技，隊員陳穎欣更帶腳傷上陣，而趙慧珊自爆曾入選足球隊，但驚腳粗而作罷，李靜儀則透露讀書時常到球場撐初戀男友，至於蔡明芳指讀書時曾暗戀足球隊鬼仔，但慘被指又醜又肥，故決心減磅！