謝霆鋒昨日聯同陳奕迅等3,008人在維園用雞蛋仔砌出「愛香港」英文縮寫圖案完成壯舉，在世界紀錄協會驗證官的見證下勇創世界紀錄！雖然現場一度下着傾盆大雨，但身為活動策劃人的霆鋒為鼓勵士氣，不甘向天示弱：「有本事就落大啲！」

霆鋒兩隻手一齊整雞蛋仔，夠晒型！

霆鋒與Eason攞住雞蛋仔參與創舉，Eason連嘴都玩埋一份。

謝霆鋒

驗證官在台上頒發世界紀錄證書，霆鋒與Eason開心不已。

霆鋒與Eason冒雨出席活動。

霆鋒與Eason甫見面即攬到實。

拉姑到場支持霆鋒，豎起拇指大讚。

霆鋒率3,008人在維園用雞蛋仔砌出「愛香港」英文縮寫圖案，還大玩自拍。

霆鋒去年開始為內地飲食節目《十二道鋒味》走遍各地，歷時多月後終於回港，昨日在維園完成3,008人即場用雞蛋仔砌出「愛香港」英文縮寫圖案的壯舉，霆鋒母親狄波拉及好友包括陳奕迅、洪卓立、吳浩康、衛詩雅及白冰都有撐場。大會邀請世界紀錄協會的驗證官即場點算雞蛋仔數量及人數，合計共有3,008人每人拿着一底雞蛋仔砌出圖案，創世界紀錄。隨後驗證官在台上頒發創紀錄的證明書，台下逾3千位青年歡呼大叫。

然而活動期間突然下着傾盆大雨猶如「紅雨」，霆鋒上台時要工作人員為他撐傘，而陳奕迅則穿雨褸上台。眼見雨勢甚大，為了等放晴跟眾人大合照，霆鋒在台上大叫鼓舞士氣：「大家仲有兩個鐘咋！頂埋佢好冇！有本事就落大啲！」幸好等了約半小時後便停雨，眾人可以拍下大合照留念。

講起栢芝即扮傻

霆鋒受訪時稱希望能透過今次創世界紀錄的壯舉為港人製造美好回憶：「我揀咗雞蛋仔作為香港嘅第一站，好耐冇見香港做咁有正能量嘅事，就算創唔到紀錄都唔緊要。」問到有否事先練習整雞蛋仔？他說：「做咗好多，冇整燶，反而唔熟。（整畀囝囝食？）冇！未得閒過，去咗7、8個國家。（有冇為囝囝下廚？）好耐冇！（多唔多見兩個仔？）唔算多，見Mani最多，見到都驚，差唔多100日冇停過，下一站會到泰國，嘉賓係林丹。」問到嘉賓陣容是否已「出晒」？他說：「呢個係黐咗線嘅陣容，佢哋好錫我，有時想放棄，都係見朋友喺度先唔放。」他又表示正在構思如何答謝嘉賓。

提到有網友表示希望他可以邀請前妻張栢芝做嘉賓，霆鋒即扮傻說：「吓？英皇話？（網友話！）英皇話咁大膽？（會唔會請？）唔講呢啲，點答你。（會否帶囝囝上節目？）唔會拎呢啲做賣點。」至於暑假會否跟囝囝家庭樂，他表示要先完成工作，到泰國拍攝要推到七月底：「拍到依家差唔多用咗我拍三套戲嘅時間。」他表示共拍了12集，每集長75分鐘，猶如拍了12部戲。問到會否感到賺少了錢而後悔，Mani即搶答：「最後悔係我，唔係佢。」霆鋒說：「除咗生仔，呢件係最大工程嘅一件事，拍個飲食節目都要攀山、跳水、跳崖。」另外，有傳他因片酬問題而沒有拍《賭城風雲2》，他否認說：「邊有咁嘅事。」

第一手消息請下載on.cc東網iPhone/iPad/Android/Windows Phone Apps