節目主持陸浩明早前到韓國旅行，自言最愛行仁寺洞：「可以睇到好多韓國設計師嘅作品，充滿本土特色，我每次去韓國都例牌去！」他更在當地一間店舖穿上古代韓國皇帝打獵的服飾拍照，一嘗做皇帝的滋味！

陸浩明穿上皇帝的打獵服飾Chok甫影相，唔通想赤手空拳打老虎？

仁寺洞集潮流與古典氣息於一身，是陸浩明必到的景點。

韓國街頭有不少香港遊客，認出陸浩明後即上前要求合照。

陸浩明行魚市場都Chok樣，莫非想電暈身後的「阿豬媽」？

他笑言當地有不少香港遊客，幾乎每天都有「幾班人」邀請他合照：「最搞笑係去魚市場食海鮮時，咁啱遇到批香港旅客，佢哋問我係咪嚟拍飲食節目，又問係咪嚟買餸！」

他又發現一班害羞少年在背後竊竊私語及偷影：「佢哋係一班十幾歲嘅年輕人，隱約聽到佢哋好似想搵我影相但又唔敢，於是一直偷影我，仲跟足幾條街！之後有內地旅客Send番啲偷影相畀我，都幾好笑！」