雖然接觸瑜伽不足兩年,前華姐倪晨曦(Elva)卻已深深愛上:「做瑜伽可以拉筋同收緊線條外,仲可以放鬆自己,所以每次做完後都好似叉足電咁充滿能量,好Refresh!」她又說:「瑜伽係講求身心平衡嘅運動,所以初學者唔應該強行做高難度動作,咁樣只會適得其反。啱啱開始應該由簡單嘅動作做起,務求做完後覺得舒服同開心。」

倪晨曦

Elva貴為瑜伽導師,在平地及凌空做一字馬都毫無難度!

倪晨曦指瑜伽是講求身心平衡的運動,初學者不宜做高難度動作,否則便會適得其反。

身形苗條的倪晨曦愛做瑜伽,藉以保持身心健康。

上月考獲瑜伽導師資格的Elva笑說:「唔係想開班教人,只係好鍾意瑜伽,想了解多啲背後嘅理論、哲學同歷史。」問到除了瑜伽外可有其他瘦身及美容貼士?她大方分享:「首先一定要食早餐,仲係一日中最豐富嗰餐;晚餐就一定唔食太濃味或太鹹,因為第二日好易水腫。另外,我平日有飲檸檬水嘅習慣,除咗可以美白,仲可以平衡體內酸鹼值,會健康啲!」