烏拉圭球星蘇亞雷斯於世盃賽事「咬人」被罰停賽，不少藝人都覺得他抵罰，陳靜（DaDa）直言事件令她勾起不快回憶！

DaDa曾被人用牙撞爆頭，留下陰影！

蘇亞雷斯在世盃作賽期間咬人，舉世關注！

張秀文與高鈞賢（左）在巴西與七位「7號仔」一同為C朗打氣。

世界盃日前一場意大利對烏拉圭的最後一輪分組賽事，烏拉圭前鋒蘇亞雷斯趁與意大利後衞基亞連尼身體碰撞時，用牙咬對方肩膊，結果國際足協「重罰」阿蘇停賽九場，令他緣盡今屆世盃！DaDa昨日在港出席活動時表示事件兩敗俱傷，並說：「聽到牙字都驚！我之前開派對，試過朋友啲牙撞到我頭破血流囉！呢啲事好危險，醫生當時話要照吓有冇牙碎留喺我傷口度，我依家仲留有疤痕。」同場的周柏豪認為判停賽很合理。

圈中球迷周秀娜亦有留意咬人事件，她說：「之前都諗阿蘇係咪要接受行為治療，今次懲罰相當合理，不過佢都慘，冇得踢餘下賽事。」蔡少芬則說：「都幾離譜，咬到人哋紅晒一撻，小朋友無知先會咁做。停賽好合理，蓄意傷人喎！」張晉亦和議：「聽聞佢有前科，會唔會一嬲就咬人？停賽應該，以免佢再傷人。」前新聞主播黃紫盈說：「做乜要咬人呢？做人有品好重要，聽講佢仲有兩次前科。」

美斯起勢「被唱」

另外，被無綫派往巴西採訪世盃的張秀文，直擊加納與葡萄牙作賽，雖然最後葡萄牙「贏波出局」，但期間大多數球迷落力為基斯坦奴朗拿度（C朗）打氣，她說：「啲球迷為咗支持C朗，唱歌話佢叻過美斯，巴西球迷見到又唔抵得，有樣學樣唱話尼馬叻過美斯！」