湯唯昨日出席健康食品發布會,並即場炮製健康飲品,提到與韓星金秀賢一同做代言人,她說:「之前太忙冇睇《來自星星的你》,但知佢係個好好嘅演員。」她又透露正計劃一個悠長假期:「想去瑞典好耐,好好奇點解我鍾意嘅編劇導演好多都來自呢個地方。(日長夜短好辛苦?)之前喺倫敦都係咁,夜晚9點仲係天光,覺得大自然好神奇!」問到會否趁放假看金秀賢的劇?她笑說:「我想睇大自然多啲!」對於有報道指王家衛有意邀她參演新片,她說:「冇聽過,依家只想放假。」

大忙人湯唯正計劃到瑞典抖抖氣叉叉電。