馬國明(馬明)及周麗淇(Niki)等前晚出席無綫新劇《流氓皇帝》煞科宴,期間馬明自爆將與朱千雪到深圳以情侶姿態拍廣告,口花花的他又大爆想與名花有主的Niki傳緋聞,問到是否想做小三?他說:「咁就唔好喇!都係做螢幕情侶啦,其實我係想做真(男友)o架!」

Niki與馬明均期望新劇取得好成績。

冧爆的Niki即大讚他好仔,問到常在內地工作是否方便與男友徐正曦拍拖?她說:「唔關事,佢成日飛嚟飛去!」其後又自爆在劇中捽馬明面珠:「我加入咗情侶間嘅小動作,例如會捽到五官變形!」又指好易哄掂馬明:「如果同佢拍拖應該好簡單,請食糖就滿足!」馬明稱要錫錫先收貨:「要錫多兩啖先得!今次爭取到咀戲,希望下次合作再多啲!」同場的黃智雯透露在劇中谷胸跳舞,卻因戲服太性感而感尷尬,但不用讓男友過目。