陳慧琳(Kelly)、林峯及趙雅芝等昨晚以品牌代言人身份出席瑞士依波路表活動,Kelly透露「蝦餃仔」劉昇早前與一班幼稚園同學畢業時表演唱校歌,大讚他有進步:「將校歌同學過嘅歌串燒咁唱,喺屋企都口噏噏。(佢好高?)喺班入面都高。(培訓佢做Model?)企定定唔得,佢唔鍾意擺Pose。」

型爆登場的Kelly與林峯,一個講囝囝,一個講女友,均流露出一副冧樣!

至於林峯對弟弟與女友吳千語傳不和得啖笑:「唔想牽涉家人,放過我哋。(係咪好耐之前嘅事?)係冇呢件事。(千語同家人關係點?)冇問題。」而趙雅芝被問到兒子黃愷傑會否入娛樂圈?她說:「佢畢業後對表演呢方面有興趣。(入香港定內地娛樂圈?)兩樣都會,幕前幕後都會。(有冇畀意見?)冇呀!簽公司等佢自己決定。(會唔會合作?)唔會喇!我同老公都唔會啦!等佢自由發展。」