陳庭欣和翟威廉的圈中「Common Friend」包括莊思明、許家傑和陳國峰,對於二人閃縮拍拖,他們都相當「口密」,莊思明說:「佢兩個答乜我咪答乜囉!佢哋咁好條件,唔使擔心!最緊要佢哋開心。以我認識嘅Toby,呢一刻事業心好重。」而許家傑指男未婚、女未嫁,有得發展是好事:「同居就應該唔係。」而陳國峰坦言與翟威廉很少談感情事:「佢兩個平時都唔會表現得好親密,不過如果係都恭喜佢哋!(咁多年都唔認!)可能要啲時間穩定吓,呢啲嘢明眼人自己睇啦!」

好姊妹莊思明相當口密,不敢隨意洩「蜜」。

陳國峰表示會恭喜一對好友。

而曾與陳庭欣傳緋聞的黎諾懿則指不清楚二人是否拍拖:「我哋做呢行從來唔過問人哋感情事,不過佢哋都係好女仔、好男仔。」