已故美國普普藝術家安迪華荷說過：「在未來，每個人都有成名的十五分鐘。」無綫藝人孫慧雪為了這十五分鐘浸淫了七年。想法正面的她認為這段學習過程能累積經驗，成就不一樣的人生觀。

歷盡娛樂圈炎涼的阿雪想憑個人實力，令觀眾有朝一日記得自己。

熱愛小朋友的阿雪有一顆恨嫁的心，但絕對不會港女上身逼婚！

由《美女廚房》開始星途的阿雪（右一）明白成名要靠實力。

所謂「成名要趁早」，但阿雪卻不介意一步一步累積經驗。

入行足足7年卻總是飾演戲中過客的孫慧雪（阿雪）坦言曾經灰心：「喺呢7年內當然有氣餒同灰心嘅時候，但我會盡量調整心態，當每一次嘅演出都係一個學習機會！」她逐漸明白到成功並非偶然，背後依靠的是「努力」：「以前覺得做戲好簡單，只要背晒所有對白，然後靠天分就可以做得好！但後來發現有好多細節或者小動作都要練習，可能要練足100次，表演出嚟先會自然。」

放慢腳步

由當初無知懵懂的玩玩吓心態，變化成興趣及心得，阿雪覺得演戲對她影響甚多：「以前我好固執，認為世界係非黑即白。但入咗行之後，明白到人生其實有好多灰色地帶。」她清楚知道在娛樂圈入面，藝人為了得到成名機會，可以去到好盡：「我覺得如果要靠負面新聞去成名或者見報，會損失好多，再者，香港人遺忘嘅能力咁高，倒不如一步步行，靠實力等人哋可以記得你！」

最近剛拍攝完《流氓皇帝》的阿雪將開拍《四個女人三個Bar》，她笑言角色非常港女：「今次做張繼聰女朋友，係典型港女，仲會成日逼婚﹗」現實中與男友感情穩定，阿雪坦言有結婚衝動：「有時都想結婚，因為好鍾意小朋友，但就唔會逼婚，順其自然啦！」