李思欣最近回復自由身，密密接Job搵真銀！她忙於拍攝一套慈善電影，飾演一位本身患有抑鬱症、丈夫又患病且為了治病更將女兒交託他人照顧的太太，目前已拍攝一半戲份的她表示，近年會抽時間做義工：「呢幾年做多咗義工，發覺社會上有好多需要關心、幫忙嘅人，曾經試過同老公（范振峰）去派米，見到啲公公婆婆拎到包米好開心，就算個日派咗四、五個鐘都唔覺得攰！」弱質纖纖的她常被安排做悲劇中的女主角，她笑謂不介意：「可能以前啲角色影響啦，不過唔介意！」自離開TVB後密密北上發展的她，直認「搵多咗」：「好多客戶知道我離開TVB之後對我照顧多咗，依家學緊唱歌，加上同老公拍住上做婚禮司儀！」思欣亦有開設火鍋店及日式料理店，在飲食界大展拳腳！

李思欣在慈善電影中的角色身勢坎坷。