陳豪昨日以御藥堂品牌形象大使身份出席《「中大中藥傳承」「中醫藥導賞團」暨品牌形象大使簽約》活動 ，原來陳豪出自醫學世家，雙親均是醫生，他早於求學時已跟母親的師傅學醫術，如拔火罐和艾灸等技巧，強項則是診斷落枕，但他未有選擇繼承衣鉢。

陳豪出席御藥堂活動時表示有幫老婆茵媺做指壓，以紓緩她筋膜炎的痛楚。

陳豪與一班小朋友學習中醫知識，盡顯慈父的一面。

對於太太陳茵媺（Aimee）左手患筋膜炎，陳豪透露她現正接受不同療法：「佢已經戴咗固定手腕套，我都有幫佢做有限度指壓。（佢會唔會怕咗唔敢再生？）又唔會，呢啲係母親必經階段，點樣用正確姿勢同力度先值得大家留意，我仲想追個女，父母親要盡責任，唔好令仔女咁孤單，不過畀Aimee放吓假先！」