佘詩曼原來對畫畫很有興趣，就算工作忙碌亦盡量抽空學油畫。不過，仍是單身的她笑言如果有拖拍，她即會將畫畫的時間用來拍拖。

冇拖拍的佘詩曼表示現正學畫油畫，稍後將拍攝電影及電視劇。

周永恒特地到場支持老婆趙頌茹行騷。

趙頌茹在時裝展中擔任模特兒，示範多款新裝。

鍾嘉晴到場睇騷，透露9月會到英國讀書。

佘詩曼昨晚以頒獎嘉賓身份出席理大時裝展，她表示向來甚少行騷，但亦有興趣嘗試。問到對設計有沒有興趣及天分，她說：「我依家學緊油畫，算唔算係？但係如果要我設計，我想設計鞋，我有考慮過讀，因為我好鍾意高踭鞋，屋企有幾百對。（你咁忙，有時間學咁多嘢咩？）盡量抽時間。（唔係應該抽時間拍拖咩？）都好，如果有，我即刻唔畫畫。」

周永恒撐老婆行騷

她透露畫過一幅自己與母親的自畫像，作為送給母親的母親節禮物：「佢冧晒，依家放咗喺廳。（一共有幾多作品？）大概十幾幅。（開畫展？）咁快？我好皮毛，學緊立體、陰影嗰啲。」另外，她表示稍後將拍攝一部港產片及一部內地電視劇，並笑言要好好享受最後半個月的休息時間。

而歌手周永恒（Roy）及鍾鎮濤女兒鍾嘉晴（B女）則現身中午的時裝展，Roy特地支持行騷的老婆趙頌茹，他表示與太太於十四、五年前邂逅，當時一同拍攝雜誌封面：「佢瞓喺張玻璃枱上面，好似壽司上面塊魚生，嗰時已經好想追佢。（搵番初戀嘅感覺？）我毛管戙，同搵番以前怕醜嘅感覺。」他透露老婆近期很開心，因早前表演唱歌，重拾從前的夢想，加上兩名女兒漸漸長大，可以投放更多時間重拾興趣。此外，他希望在一年內開音樂會，又謂大女已經識寫歌，有點天分，細女在吃飯前會唱食飯歌，又識得Chok。

至於B女表示現正在時裝設計師鄭兆良的公司實習，9月會到英國的London College of Fashion讀書。提到早前被拍得與男友於酒店出入，她說：「呢方面唔方便回應，父母知道，冇誤會。」