李詩韻昨日為主演無綫劇集《寒山潛龍》落水宣傳時坦言有陰影，原來她最近到印尼潛水時遇上急流幾乎命喪海底，幸而被急流沖到撞埋石邊，雖然撞瘀手腳但卻逃過一劫。

李詩韻自爆早前到印尼潛水時遇上急流，幾乎命喪海底。

李詩韻與馬國明昨日跳入泳池為劇集宣傳，弄致全身濕透。

劉俐和曹永廉玩得十分投入。

林夏薇和敖嘉年齊齊晒V。

無綫劇集《寒山潛龍》演員李詩韻、馬國明、林夏薇和敖嘉年等昨日跳入泳池為劇集宣傳，李詩韻除了被藝員以水槍追擊狂射外，更被人推落水全身濕透。李詩韻坦言被推落水時有點害怕，原來數星期前她到印尼科莫多島潛水遇急流幾乎遇險：「潛水遇到好勁嘅急流，真係差啲冇命，當時連個面罩都沖甩咗，自己抓住石頭，但最後都畀急流沖到撞咗埋石邊，手腳都瘀晒，但係好好彩就係沖咗埋石邊先至脫險。」

馬國明嘆走寶

馬國明稍後將會拍攝重頭劇《梟雄》飾演年輕版的黃秋生，劇中與秋生沒有對手戲，但馬國明指屆時也會入廠偷師：「做秋生嘅年輕版都有壓力，都要睇住秋生點做角色先連貫到。」至於在《衝上雲霄II》中被林芊妤（Coffee）胸壓艷福無邊的他，談到Coffee因殘廁「Gathering」事件或遭無綫解約，他笑說：「佢冇邀請過我『Gathering』喎，我真係失敗。自己唔清楚事件，但唔使解約啩，可能有轉機，等公司決定啦！」

林夏薇因緊接拍攝另一劇集《天眼》，事先張揚水槍大戰時不許射面部，但眾藝員卻懶理，令她化妝也溶掉。談到有傳林峯弟弟與吳千語不和，林夏薇說：「佢哋關係冇問題，最緊要係佢哋開心啫！」