林家棟與盛君昨日飛往台灣宣傳電影《Z風暴》，家棟即場為身高1米68的盛君度長腿，發現她腿長足足有1.07米！為重現家棟將錢掟向陳靜的一幕，變身大細路的二人將道具錢掟來掟去，期間家棟更怒睥盛君，當堂嚇窒的她面部中招，家棟即時急急道歉：「我想搞氣氛，估唔到掟到咁應，好彩佢冇嬲！（請食飯賠罪？）冇問題！或者成班人食麻辣火鍋啦！」問到前晚在港的慶功宴上有否抽到現金獎？他笑言只抽到500元禮券：「聽聞老闆黃百鳴攞咗十萬出嚟抽獎，可惜我抽唔中，最後冇獎嘅都有500蚊現金，皆大歡喜！」

林家棟即場為盛君度腿長，更盛讚她有黃金比例。