老公畀驚喜李嘉欣生日冧爆

李嘉欣（Michele）及貝安琪（Ankie）昨日出席SHISEIDO活動，上周五44歲生日的Michele獲大會送上藍寶石戒指，她指生日平淡度過，一家人打邊爐，又稱囝囝許建彤捧生日蛋糕唱歌，令她冧爆！而老公許晉亨雖沒送名貴禮物，但與家中傭人炮製驚喜：「佢將禮物交咗畀姐姐（傭人），禮物喺我冇諗過嘅位置出現！佢都仲會花呢啲心思，真係好知道點樣取悅我。」提到囝囝登雜誌封面，她指老公為此不開心及憤怒，故要安撫他。Michele希望擴闊囝囝的社交圈子，故不會怕被偷拍而減少帶他外出。而Ankie則自稱愛看世界盃，並支持德國隊：「會買定酒，約朋友一齊煮嘢食睇波。（飲醉？）唔會，都唔細啦！第二朝仲要起身做瑜伽。」她又透露稍後將返家鄉德國拍電影。