曾志偉、譚詠麟及方中信等投資開設火鍋店，表示不計賺蝕，只望藝人多個聚腳點，方中信更自爆以往投資飲食，大多損手離場，又透露正為女兒小學學位問題費煞思量。前晚火鍋店舉行試食，志偉入股之餘，又花七位數字支持世姪女黃宇詩的胸圍店，預咗冇錢分！問到會否支持兒子開戲，他說：「咪好大鑊？都支持嘅！（開戲捧女友？）咁又唔好，分手咪蝕？」而素顏現身的佘詩曼透露拍畢無綫新劇，目前休息追看世界盃賽事，且熱捧荷蘭！談到無綫重頭劇邀黃秋生等外援擔正，阿佘即幫口：「公司大把人有分量，我以前都拍過張智霖啦！成日都有咁嘅情形。（想再拍邊個？）冇所謂，我比較重視劇本。」

譚詠麟（左起）、陳百祥、曾志偉及方中信在試食會中搭膊合照。

素顏的佘詩曼架上眼鏡現身。