徐子珊在前晚播出的無綫劇集《點金勝手》中，為取得胡定欣信任而脫衣晒背，遭網友截圖討論，親身上陣拍攝的子珊昨日回應：「多謝支持，希望大家多多支持套劇啦！（下次做『股』神？）唔會，電視尺度問題。」而她昨日與黃宗澤等到中環宣傳該劇時透露，本月19日生日當天身在土耳其，與男女友人度過，問到有否艷遇？她說：「試過一個人去旅行遇唔到，我唔可以異地戀，要成日黐住。（收神秘禮物？）一朵花都冇，要檢討吓！」她稱最開心是收到姨甥女傳來賀壽短片，更表示想盡快生番個！

子珊與黃宗澤宣傳《點》劇，齊齊晒腿。

而剛從上海返港的黃宗澤表示出發時遇上內地航空管制，滯留機上7小時：「瞓醒仲係嗰個View，諗住落機有一場世界盃睇，點知最後嗰場都踢完。」又指《點》劇頭15集在內地點擊率破兩億，故提議到內地宣傳：「順道屈公司請我哋去旅行！（有冇探楊崢？）咁耐仲講呢啲？（返嚟有見？）好忙呀！」說罷便趁活動開始走人。