古天樂、陳靜、盛君及林家棟等昨晚出席《Z風暴》慶功宴，慶祝新片開畫五日已大收五百多萬元。密實的DaDa如沐春風，自爆正與圈外打工仔約會中，提起對方時更不禁冧笑：「初步一齊！有約食飯睇戲，希望再認識深啲。佢喺我心目中係好男仔，初初都擔心，但佢出奇地了解我！（有發展空間？）有，好耐冇心儀嘅人喇！」

陳靜自爆有靚仔埋身，難怪笑容零舍燦爛！

林家棟（左起）、陳靜及古天樂結伴出席慶功宴。

《Z》片一眾台前幕後出席晚宴，慶祝票房報捷。

此外，古仔新片《暴走迷城》的替身早前拍撞車戲時受重傷，古仔很心痛，指該場戲要求角色先捱車撞，再跳橋及跳船，現已作出修改。問到會否向導演林嶺東反映？他說：「盡量，都唔想有意外。」