紅裙變黑裙
傅穎唔介意司機在場，喺車上換衫，落車時已轉Look！
近年北上發展的傅穎日前回港出席活動，被發現原本穿紅裙的她，竟在男司機駕駛的七人車上剝衫「變身」，落車時已換上黑色雪紡長裙，夠晒不拘小節！
一身紅裙的傅穎上車前被粉絲包圍。
傅穎（左）換裝後前往商場一間髮型屋。
現年29歲的傅穎（Theresa），近兩年長駐內地發展，甚少在港露面，近期愛上「操肌」的她，頻頻上載健身照到微博，展露苦練得來的「馬甲線」，Keep住曝光率。
近日Theresa返港工作，前日在觀塘出席活動，約二十多名粉絲在停車場等候，當中以男粉絲居多，甫見偶像即如螞蟻摟蜜糖般包圍Theresa，紛紛索簽名和合照，雖然停車場又焗又熱，但Theresa亦有求必應，還跟粉絲聊天，態度親切。
行秘道閃人
其後Theresa在女助手陪同下登上由男司機駕駛的七人車離開，過海駛至筲箕灣方向，發現記者追訪後，在附近兜圈意圖避走，但兜了數圈仍未成功，於是再駛往鰂魚涌、太古、再落銅鑼灣等遊了約一小時花園，最後駛至金鐘一個商場落車，驚見原本穿紅裙的Theresa換上飄逸的黑色雪紡長裙並戴黑超，看來是在車上換裝。問她去哪兒？Theresa未有回答，再追問回港多少天？她笑說：「幾日，我一返嚟你哋就跟住我啦！」然後她獨自搭電梯到該處一間髮型屋避追訪，記者守候多時仍未見她離開，相信已由秘道偷偷閃人。
追蹤組
