譚詠麟（阿倫）、曾志偉及陳百祥（阿叻）等昨日到長沙灣為新開張的火鍋店造勢，邀得郭政鴻及陳山聰舞獅助興，吸引街坊圍觀。提到世界盃，阿倫及阿叻都毫不留情地踩好友克勤熱捧的英格蘭未夠班！

眾人齊齊賀新店開幕，相當熱鬧。

譚詠麟（左起）、陳百祥及曾志偉代表明星足球隊到場，大談世界盃戰況。

李克勤

譚詠麟、曾志偉及陳百祥等有份投資的火鍋店昨日開張，獲馬德鐘、方力申及顧芮寧等捧場，舞獅環節則交由郭政鴻及陳山聰負責，郭政鴻即席表演高難度舞獅動作，令現場觀眾拍爛手掌，阿倫答謝他們賣力演出，又說：「我代表明星足球隊出席，新舖由六個單位合資，明星足球隊投資咗七位數字。」

談到全城熱話的世界盃，阿倫自言最近返老還童：「生咗啲青春痘。（通頂睇波？）晚晚最少睇兩場，有時睇三場！」提到好友李克勤力撐的英格蘭出局，他笑說：「都叫佢趁早着件波衫，唔係就冇機會着，英格蘭根本唔係嗰啲班數！」阿叻亦說：「係人都知英國唔夠踢，佢都要含淚捧英國，好似我含淚捧黃杏秀咁！」

撐畀錢睇波

此外，阿叻指支持多年的荷蘭幾十年都做「二奶」，今年有望改寫歷史。他又表示即將與譚詠麟出發前往巴西觀賽，感受當地的足球熱浪。

另外，提到蔡卓妍（阿Sa）早前因未能觀賞免費賽事而感傷心，阿叻力撐無綫並不刻薄：「細路女唔知足球貴，要成四億幾，無綫蝕緊都篩選最好睇嗰幾場！唔係個個識睇波，識睇嘅人畀少少都好合理！無綫咁做啱，唔通蝕晒畀你咩！」阿倫則說：「我睇咗22場先知冇足本，咁咪續約3個月，百幾蚊一個月，負擔得到！做生意冇辦法，我作為市民，最基本嗰幾場就一定要有。」