出美食寫真LuLu自覺贏晒

昨日o靚模王璐瑤（LuLu）到灣仔一間日本餐廳拍寫真書《你的LuLu女神美食週記》，大騷4吋事業線，但水桶腰大殺風景，難怪有傳投資者勒令她減磅方可出書！LuLu指過去半年日食四餐，以致重達120磅，幸已回落9磅：「世界盃個個邊睇邊食，我就玩住呼拉圈同跑步機。（怕唔怕唔夠其他o靚模鬥？）我覺得我今年贏晒喎！佢哋市場係宅男，我就老少咸宜，應該出五萬本，再擺書局，今年堂堂正正入書展！」她表示不怕書中食評有錯字，但未敢自封才女，又指寫真文化愈玩愈騎呢，因此將主力介紹美食，問到何不用「女體盛」（意即以裸體當盛器）造型？她說：「驚冇人食，啲刺身都熱晒，仲有我啲體香。」