身為模特兒公司老闆娘兼師姐的Mandy Lieu，今年只為清穗久美子（Kumiko）和金愛賢（Kim）出寫真，可想而知已將二人視為愛將，Mandy說：「佢哋上年表現好好，幫公司賺到錢，所以覺得應該放番資源喺佢哋身上，本寫真就好似一份禮物留畀佢哋。（佢哋D Cup身材好啱拍寫真？）身材真係好，女仔見到都流鼻血。」她表示當初認識「雙K」時，已留下深刻印象：「佢哋都係外國來港發展，諗番起啱啱嚟香港嘅自己。」並說：「Kim好活潑，好開心，企佢隔籬都會開心晒，佢啱啱返咗韓國參加Asian Pacific World Talent 2014選美，仲攞咗亞軍，真係好有勇氣，換轉我就冇勇氣選美；Kumiko性格就似家姐，好細心，會照顧身邊人，雖然靜啲，但肯學肯做，最近好努力學廣東話同普通話，已經聽得明，講就仲差少少。」

清穗久美子（左）、金愛妍