陳慧嫻尾場演唱會邀請天后容祖兒做嘉賓，祖兒破天荒與男友劉浩龍打情罵俏，除踢爆男友曾偷睇陳慧嫻短褲仔Look外，更在後台將他降呢做司機！

容祖兒與陳慧嫻上演一幕同性激吻，再踏紅館的慧嫻感觸落淚。

陳慧嫻

劉浩龍被祖兒踢爆後，在後台即被降呢做司機管接送！

與黃偉文及阿徐睇騷的劉浩龍在後台與陳慧嫻寒暄，冷待女友容祖兒。

示範完減手臂運動後，阿倫拉着陳慧嫻的父親影相，場面搞笑。

陳慧嫻前晚假紅館舉行《BACK to PRISCILLA 陳慧嫻30周年演唱會》尾場，獲徐小鳳、李克勤、譚詠麟（阿倫）及楊受成愛女楊諾思等捧場，阿倫即場示範減Bye Bye肉運動，場面搞笑！但最矚目的必定是祖兒在表演前與劉浩龍（師兄）在紅館觀眾席上「世紀同場」，奈何二人未有排排坐一齊睇騷！

其後慧嫻與祖兒在台上合唱《痛愛》，更索性將「龍兒戀」擺上枱，慧嫻笑說：「今日有個好特別嘅朋友嚟咗，佢好重要，畀啲燈照吓嗰度，呢個係咪好男仔呢？」然後全場焦點落在師兄身上，慧嫻表示弟弟與師兄分屬好友，師兄小時候經常拜訪作客，祖兒隨即踢爆男友的陳年「曳曳史」：「佢同我講話『我嗰時見到慧嫻着短褲喺屋企』！」

專屬柴可夫

之後祖兒與慧嫻當眾咀嘴，接着祖兒在獨唱《LOVE ME ONCE AGAIN》前說：「細細個聽呢首歌，都會幻想同白馬王子翩翩起舞。」相信是向師兄憑歌傳情。慧嫻在個唱尾聲不禁感觸落淚。回到後台，有指祖兒捉實男友雞啄唔斷，而慧嫻則再向祖兒送吻，又與師兄握手，她不忘叮囑師兄做「柴可夫」送祖兒回家！而在慶功宴上，慧嫻與舊愛區丁玉擁抱及合照，她又表示今次特別邀請師兄來睇騷，順道與弟弟相認。