前歌手趙頌茹（阿Yu）及小肥昨日出席nowTV《中國好聲音》第三季香港地區招募記者會，參賽的阿Yu唱到感動之處不禁落淚，老公周永恒及囡囡立即遞上紙巾。阿Yu嘆從前沒有珍惜獻唱機會，以致今次重返舞台有恐懼：「原來個女唔知我係唱歌嘅，所以今次想畀佢知媽咪係歌手，同埋想佢為夢想而努力。」

阿Yu感動落淚，老公周永恒和囡囡即遞紙巾安慰。

另外，任評判的小肥稱有興趣參賽，但笑言未必頂得順壓力：「之前我問G.E.M.（鄧紫棋）比賽咩感覺，佢話會緊張到想去廁所，我諗我都會！」